प्रातः स्मरामि भवभीतिमहार्तिशांत्यै
नारायणं गरुडवाहनमब्ज नाभं
ग्राहभिभूतवरवारण मुक्तिहेतुं
चक्रायुधं तरुणवारिजपत्रनेत्रं
प्रातर्नमामि मनसा वचना च मूर्ध्य
पादारविंदयगलं परमस्य पुंसः
नारायणस्य नरकार्णवतारणस्य
पारायणप्रवणविप्रपरायणस्य
प्रातर्भजामि भजतामभयंकरं तं
प्राक्सर्वजन्म कृतपापभयापहत्यै
यो ग्राहवक्त्रपतितांघ्रि गजेंद्रघोर
शोकप्रणाशमकरॊद्धृतशंखचक्रः
श्लोकत्रयमिदं विष्णोः प्रातुत्था यः पठेत्
लोकत्रयगुरुस्तस्मै दद्यादात्म पदं हरिः
नारायणं रमाश्लिष्टं सर्वमंगलभाजनं
चिंतयेत्प्रातरुत्थाय सर्वदुःखोपशांतये