ओंकारं बिंदुसंयुक्तं नित्यं ध्यायंति योगिनः
कामदं मोक्षदं चैव ओं काराय नमो नमः
नमंति ऋषयो देवा नमंत्यप्सरसां गणाः
नरा नमंति देवेशं न काराय नमो नमः
महादेवं महात्मानं महाध्यनं परायणम्
महापापहरं देवं म काराय नमो नमः
शिवं शांतं जगन्नाथं लोकानुग्रहकारकम्
शिवमेकपदं नित्यं शि काराय नमो नमः
वाहनं वृषभो यस्य वासुकिः कंठभूषणम्
वामे शक्तिधरं देवं व काराय नमो नमः
यत्र यत्र स्थितो देवः सर्वव्यापी महेश्वरः
यो गुरुः सर्वदेवानां यकाराय नमो नमः